混亂拉麵：足料 原來芝士粉都可以是賣點

高街麵霸：腸粉出色 麵就不過不失

1987 Hot Dog：熱狗的另一地道食法

好野食有時候係要捐窿捐罅，呢間熱狗店於紅磡頗出名，我都要霧名而來一試，究竟有咩咁特別？特別在佢有一味熱狗好特別：口水雞熱狗。兩者大㰖都扯唔埋既食物到底夾埋一齊會係點？原來係好好食既野黎，先講麵包，夠熱夠鬆軟，個底更係脆的，非常有誠意之作，跟住係個重點:口水雞，辣得黎好香口，麻痺後個口入面仍然可以維持一定的口水雞味道，齒夾留香，將個辣味溶入條腸及麵包度，真係好配合，抵我特登過黎紅磡幫襯。

口水雞熱狗($48)

1987 Hot Dog
地址：紅磡差館里21-27號富業大廈地下5號鋪
電話：5987 4769
評分：9/10

101手工涮涮鍋：火鍋新推介 有誠意食物質素好

打邊爐要諗住點特別，呢次係用台灣涮涮鍋做焯頭既火鍋店，當然不是任食，但食材大致上都不算太似平時我地打邊爐既食物，大多都有自家製既感覺，呢一點我係好欣賞既，因為可以食下唔同感覺既打邊爐係好難既，以下係一D我點既一D食材，唔好睇落以為大致上都係差唔多，但其實食落去好食之餘，味道上其實真係有D不同，唔係行貨。

101手工涮涮鍋
地址：尖沙咀厚福街9號地下
電話：5399 5188
評分：8.5/10

美味佳：冇改錯名的入味串燒店

串燒店真係冇得輸，只要燒得香口，時間控制得好，調味料落得足，食材新鮮，咩食物都會好好食，呢間"美味佳"做得以上既野，而且價錢亦都好相宜，絕對係可以一食再食既一間串燒店。

雞翼、墨魚咀、雞肉、豬腩肉都好好食，有腌過，調味料足夠，唔會太多偏鹹，有肉質口感。

燒菜亦都好欣賞，因為會吸收了好多汁，入味而不失菜的爽口，正！

牛油金菇都係冇得輸，香而油，係肥架喇但食到唔停個隻。

翠肉瓜都好爽口

反觀墨魚丸普通，腸仔都普通，可能其他出色令到呢D普遍食材被搶鏡呢。

美味佳
地址：紅磡寶其利街2號地鋪
電話：9235 7213
評分：8/10

鐵板燒紗舞縭：即叫即整 香口惹味

太古城康怡廣場的吉之島AEON裝修過後，再重新引入好多日本餐廳，睇表面都好具質素，於是我揀左最穩陣又一定好食既鐵板燒去試，就咁睇個排面係U字形既餐枱，對住鐵板燒師傅咁食，睇落已經有睇頭，因為可以睇住佢燒，非常穩陣，雖然會彈油彈到自己，但感覺上睇見都想食個種。味道方面其實算係正常，唔錯，熱辣辣上碟，鐵板燒味道強烈，至於食物本身既味道其實已被鐵板燒蓋過，本身既肉質味道其實偏淡，整體上算是合格。

睇住佢燒，非常穩陣，生得濟可以即刻叫佢煮熟D，最唔好係D油偶然間會彈到自己。

每人都有碟油麥菜加芽菜送上，極入味，可以話係鐵板燒既味道，乾唔乾淨係其次，呢個菜係最有鐵板燒味既一道菜。

煎蠔仔，炒到碎晒，份量偏少，不過以咁既平價錢有咁既份量都正常，味道普通。

燒帆立貝，味道偏淡，加上蒜蓉反而搶去帆立貝既味道，亦都燒得過時間，偏硬，其實燒到半生熟為之上佳。

牛肉粒稍為遜色一點，黑椒汁太多，蓋過晒牛肉味，而且牛肉粒太熟，口感一般，較為失望，洋葱反而突出，入味。

羊肉都一般，唔夠騷味，而且都比較熟，肉質未夠軟。

魚柳掩蓋唔到雪藏味，肉質較散，冇魚味，不過香口搭夠。

鐵板燒紗舞縭 Teppanyaki by Shaburi
地址：太古康山道1-2號康怡廣場南座AEON地下
電話：2967 6415
評分：6.5/10

唐宮小聚：高級版新穎點心 贏外表贏味道

呢間點心鋪想試好耐，係因為佢既點心好特別，除左味道唔同之外，外型都係一個重點，極之有誠意及玩味，睇得又食得既點心店真係冇幾多間，雖然偏貴但都食得好開心，每次食一個點心前都會估究竟呢碟點心係咩黎，有咩餡，淨係呢種心情都已經好好玩。整體黎講都算好食，偏貴所以未必有下一次，更主要係因為太多大陸人太嘈了。

前菜有雞絲粉皮，擔擔麵，醉雞及青瓜，先食正常既先，正路既味道。

黑松露冬菇飽，好好食，果然係推介，首先黑松露已經冇得輸，好香，再加埋極濃味既菇香，飽又熱辣辣，值得一食再食。

好耐未食過熱辣辣香噴噴既乳鴿，好軟熟，肉夠林，肥瘦度適中，好食。

呢個係奶皇飽，純粹外型夠特別，放大版象棋，外型比味道優勝。

另一奶皇味道既水晶飽，外型好得意，但味道卻一般。

桂花糕及曲奇奶凍，算係最普通既一個食品，沒甚特別。

餐具都好有玩味，以為有昆蟲甚至螞蟻係隻碗度，點知原來係Graphic，既嚇死又回心微笑，不失美感。

唐宮小聚 Social Place
地址：中環皇后大道中139號The L.Place 2樓
電話：35689666
評分：8.5/10