麥明記雲吞麵：有心之作 夠味街坊價 支持

正宗雲吞麵真係少之有少，能有廉價而好食既都好難搵到，話說係西環做緊野時食午飯，就見到有間疑似老字號既雲吞麵店，就支持一下，無論裝修或者員工都好舊時代格局，而食物質素都不俗，雲吞麵唔會有太搶味既麻油味，蝦肉鮮又彈牙，牛筋入味，麵質冇好強既鹼水味，整體感到有心，價錢相宜，好值得支持的一間老店，好過麥奀記囉！

雲吞牛筋撈粗$54

麥明記雲吞麵
地址：西環皇后大道西309號地下
電話：2633 2368
評分：7.5/10

粟一燒 麻辣味：麻辣味慢慢透出來

又係粟一燒，今次到麻辣味，諗住一定唔會難食啦，好彩真係幾好既，食落唔算好辣，但食多幾條後麻辣味會慢慢透出黎，個感覺都幾好，似真係食緊麻辣野咁，不過始終係粟一燒，感覺冇食薯片咁爽！

粟一燒 麻辣味
地址：一田超市
售價：$6.9
評分：7/10

竹鶴特選威士忌梳打：有氣威士忌 不失威士忌魅力

小弟真係開始愛上飲酒，尤其威士忌，見到竹鶴出罐裝威士忌再溝梳打，就算貴一貴都買黎飲下，飲完當然會覺得好飲，仍然有好濃既威士忌味道，加左梳打係感覺似飲緊啤酒，成件事雖然好似有點多餘，但威士忌味冇被掩蓋，仲不失威士忌本身既魅力，呢廿蚊抵俾佢。

NIKKA竹鶴特選威士忌梳打
地址：Citysuper
售價：$19.9
評分：8.5/10

卡樂B 避風塘炒蝦味蝦條：有辣味 但冇炒蝦般惹味

以為會好惹味，但其實只感覺到辣辣地，都有少少Feel既，味道尚可，但就冇真正炒蝦般咁惹味，當然我本身唔會預左有，呢隻味算係做到應有既味道，不過食完真係好口渴，蝦條要送酒先配合。

卡樂B 避風塘炒蝦味蝦條
地址：一田超市
售價：$7.9
評分：5/10

粟一燒 香草牛油粟米味：多餘的味道款式 唔見味道提高

有好多野我都想重新去試去感受一下，粟一燒都係其中一個，一直以黎我覺得粟一燒好熱氣，只係一條脆卜卜而味道假既粟米條咁，不過呢見佢係咁出新味，買黎食都好應該既。不過呢隻味真係中伏，本身已經有粟米味既粟一燒如今要買集牛油粟米味黎試下，當然唔覺有咩特別啦，同普通粟一燒大同小異，嘥鬼氣。

粟一燒 香草牛油粟米味
地址：一田超市
售價：$6.9
評分：3/10

Kitkat甜薯味朱古力：沒甚特別的朱古力餅之嘛

一直覺得KitKat唔太好食，可能佢似餅多過朱古力，又不見得朱古力好濃，整體上又覺得Cheap Cheap地，見到新出既甜薯味就試下，真心覺得冇咩特別，係一個好普通既白朱古力餅，又唔覺有甜薯，或者有都未頂，因為食完一塊都好濟，唔太想再食落去，所以一直以黎KitKat唔係我杯茶，出任何新味都唔見特別就知失敗啦。

KitKat 甜薯味朱古力脆條
地址：各大便利店
售價：$25.9
評分：4/10

卡樂B 辣雞薄餅薯片：食落似食Pizza 難得的食得唔停

食左咁多款卡樂B唔同味既薯片，終於食到隻比較好食既薯片喇，而且呢隻薯片算係有誠意，佢真係有料係薯片面上，成件事入味好多，咬落去後都有好強既Pizza味，幾香，我好快就食完呢包咯。

卡樂B 辣雞薄餅薯片

地址：Citysuper

售價：$14

評分：8.5/10