樂天Charlotte朱古力片：平平無奇 味道不太濃

純粹俾包裝呃左，只係一盒平平無奇既朱古力片，點冇乜野法？咪就係食落去朱古力味唔出，口感正常冇甚特別，食完即忘個隻，冇優點可言就知呢款朱古力失敗了，純粹包裝取勝。

樂天Charlotte朱古力片
地址：松板庫
售價：$26
評分：5.5/10

勝浦擔擔麵味薯片：似食蝦片既辣味炸物

外型好似蝦片，但佢介紹為薯片，完全聯想唔到，好！就當係蝦片咁食，不過真係一般，除左辣字，都感覺唔到跟擔擔麵有關係，而且好鬼大包，食極都重有，放入口好Dry，口感一般。

勝浦擔擔麵味薯片
地址：CitySuper
售價：$24
評分：5.5/10

山芳薯片 - 濃厚牛油味：極重牛油味 真正的又香又濃地好食

牛油味薯片幾時都係最好食，最香，呢包薯片真係有極重既牛油味，一開包裝就已經聞到，未聞已經覺得會好好食同埋好肥，食落去真係好香好重牛油質感，好似食緊牛油咁，好食。

山芳薯片 - 濃厚牛油味
地址：759阿信屋
售價：$9.9
評分：8.5/10

春天薯片 - 蜂蜜芝士味：鹹甜俱備 口感味道合一

春天薯片系列一向俾我既感覺係好食，有水準，呢次係冇得輸既蜂蜜芝士味，亦都好好食，好食在於除左薯片有本身既鹹鹹地味道，仲有食第一啖就食到甜甜的蜂蜜味，咬多兩啖芝士濃味就會湧出黎，三種口味最後混埋一齊，咪就係好食囉，但感覺係會好肥的。

春天薯片 - 蜂蜜芝士味
地址：CitySuper
售價：$12
評分：7.5/10

PIROULINE黑朱古力脆卷罐裝：甜而脆 一吃再吃

呢款朱古力確係好味，朱古力條中間有濃濃的朱古力醬，甜度適中，融入外層脆卜卜既條條，食一條係唔會覺得夠，係會一吃再吃的，呢類朱古力棒棒的好味之處就係呢度。

PIROULINE黑朱古力脆卷罐裝
地址：一田超市
售價：$21.9
評分：7.5/10

卡樂B香葱鹽味薯條：有強勁肉味 可惜味道一般

食得Jagabee咁耐，都想試下其他類型既薯條，呢一款都係卡樂B，就睇下會有D咩唔同，係有好強既肉味，但口感並唔鍾意，脆到似蝦條，冇薯條感覺，成件事好假，絕對比Jagabee唔好食得幾倍，下次都要睇下係咩味先好買。

卡樂B香葱鹽味薯條
地址：一田超市
售價：$13.9
評分：6/10

卡巴也宇治抹茶夾心朱古力餅：有抹茶味但平平無奇

真係有好多抺茶零食係市面上，到左呢一款抺茶夾心朱古力餅，又係冇乜驚喜，係有抺茶味，係有朱古力餅既口感，但平平無奇，可能本身對佢都冇乜期望，咁又係，呢款零食好難有突破，穩陣派食呢個餅都OK的。

卡巴也宇治抹茶夾心朱古力餅
地址：7-11 Eleven
售價：$10.9
評分：6/10

卡樂B西班牙辣肉薄餅味薯片：夠味唔辣 不過不失

其實市面上有好多薄餅味薯片，但要搵款好食既係比較難，因為每一款都差唔多咁既味道，呢一款都係，離不開有香腸有芝士既薄餅味，甚至呢款多左辣味，都唔見得有加左分，一來唔算好辣，二來味道驚喜欠奉，又係薯片上有D芝士粒粒搶味，不過不失吧。

卡樂B西班牙辣肉薄餅味薯片
地址：各大超市
售價：$9.9
評分：6.5/10

Hemeize 香濃榴槤松露朱古力：入口即溶 實在香濃

松露係無敵既！今次仲將朱古力混入松露，真係不得了！真係做到入口即溶既感覺，口感鬆軟，而且有好濃既朱古力濃罩住個口腔，極速食完一粒，而且榴槤香味恰到好處，唔會太搶朱古力味。建議唔好放入雪櫃，放入雪櫃只會令朱古力更硬更冇未，即刻冇晒入口即溶感覺。

Hemeize 香濃榴槤松露朱古力
地點：松板庫
售價：$38
評分：9/10

明治薯條芝士味：太短太碎 一咬即冇冇癮

薯條呀！薯條呀！對薯條著了魔既我見到有新野試，係明治出品既薯條，不再係卡樂B，仲要係芝士味，值得一試。今回係極幼薯條，感覺係新鮮但頗碎，要拎一堆薯條放落口先食得到個味道，味道係夠既，芝士味唔算濃，唔會出現膩既情況，唔錯。

明治薯條芝士味
地址：松板庫
售價：$11
評分：7/10