好侍O'Zack薯片-炭火燒雞味：食落只得炭味

仲以為會係有少少燶味炭味惹味既薯片，真係俾個包裝呃左，一D燒雞味都Feel唔到，有既只係疑似炭味既味道，即係唔夠突出唔夠惹味既普通薯片，呢隻牌子既薯片認真要再考慮買唔買落去喇！

好侍O'Zack薯片-炭火燒雞味
地址：759阿信屋
售價：$12.5
評分：6/10

首選蕃茄味薯片：好重茄味 首選難得佳作

我好少會買惠康或百佳出品既零食，因為冇品質保證，今次得到同事推介，先破例去試惠康品牌既薯片，而今次我覺得係好評，蕃茄味薯片係冇得輸，只要落重蕃茄粉，蕃茄味已經佈滿口腔之中，食落一定覺得好滿足，不太酸易入口，不錯的。

首選蕃茄味薯片
地址：各大惠康
售價：$8.9
評分：7.5/10

ORIGINALONE鹽味薯條：跟Jagabee無異 鹽味唔強烈

激多疑似Jagabee既杯裝面世，而且包裝上都能夠吸引到人去買，不過先入為主，真係要好突出既味道及得意野先能夠比Jagabee優勝，食完呢杯薯條後，覺得根本就係Jagabee，話抄？唔知道，但論味道呢款係偏淡，好淡味者可以一試，而我則會揀返Jagabee食算了。

ORIGINALONE 鹽味薯條
地址：CitySuper
售價：$24
評分：7/10

山芳薯片 - 男氣蛋黃醬牛肉味：中伏在帶有黃芥辣重味 其他也吃不出了

真心覺得蛋黃醬好難聞，激似黃芥辣味，而我係好頂唔順個陣味，所以對於呢款薯片係冇好感，就佢幾有肉味既薯片，已經被蛋黃醬既味完全掩蓋晒，當然，愛好個陣味既人必定覺得好香好食，但那個不是我囉。

山芳薯片 - 男氣蛋黃醬牛肉味
地址：759阿信屋
售價：$18.2
評分：5.5/10

Cubebite朱古力：中伏之作 不是朱古力的朱古力脆餅

原以為係一粒粒好有濃味既朱古力粒，點知一開係朱古力脆粒，似食餅多過食朱古力，又冇乜味，又俾個包裝呃左，食完一粒都嫌多，今次中伏了，信錯韓國出品的朱古力。

Cubebite朱古力
地址：一田超市
售價：$10.9
評分：4.5/10