森永特級朱古力：朱古力味欠奉 草莓味稍遜

呢隻森永朱古力總共有4款：花生、草莓、拖肥、熱情果，我就揀左呢兩隻款：花生及草莓黎試，我就覺得草莓味朱古力好淋，口感唔太好，偏酸；至於花生味，好似真係食緊花生咁，因為真係有好大粒花生係入面，所以綜合兩款朱古力覺得朱古力味其實唔太出，唔似食緊朱古力，不過如果口痕想搵野食，呢個亦都可以係一個唔錯既選擇。

森永特級花生味及草莓味朱古力
地址：一田超市
售價：$14.9
評分：6/10

Tabasco Spicy Chocolate：甜中帶少少辣 味道適中

其實都出現左好幾年了，只係近排比較為食，想搵D奇怪或者期間限定既野食，就發現仲有呢個朱古力，貴都照買，其實之前食過，呢次食下係溫故知新，其實佢唔算太辣，第一口係唔覺辣味，好似食緊一塊普通朱古力，點知食到咁上下D辣味先開始刺激到味蕾，而唔太食得辣既我都唔覺特別辣，辣度適中，易入口，唔會好似成口係辣汁咁，唔錯。

地址：Citysuper
售價：$65
評分：7.5/10

椰子味朱古力棒：輕微椰子味 口感仍被朱古力杏仁碎搶去

夏季限定的椰子味朱古力棒，咬落去仍然係一口朱古力再加杏仁碎，咬咬下先會走出些少椰子味，唔太勁，如果能夠重返D椰子味再融入朱古力杏仁當中，感覺可能唔同D，而家好似普通左，冇乜特別。

地址：各大超市
售價：$12
評分：6/10

拼食三郎：重味的芝士雞煲

據聞呢間野既芝士雞煲好鬼平，加上我女友見到有個推介係芝士濃蝦湯，所以佢係都要搵日叫我黎試下呢間野係龍定係鳳，係有D唔方便係係新蒲崗，不過為左試新野又冇計既，我叫左個芝士雞煲配出前一丁，我女友叫左個芝士龍蝦湯配生蠔，結果我個個好重味，雞係有醃過煎過而好夠味，湯底亦都好濃甚至乎有D鹹，我覺得落得多左雞湯可能，不過配埋出前一丁真係無敵，麵係極速吸收晒湯底既精華而好入味，食到我舔舔脷，其他食料都有驚喜，例如薑汁皮蛋貢丸好彈牙同埋爆汁，仲有一個秘製醃過既牛根，好有味同埋夠淋，有誠意，反觀其他熟食驚喜不大，我相信呢間野可以再試，至少老闆娘好窩心好體貼同埋幾靚女，臨尾仲帶因為商場落左閘親自帶我地走添。

芝士雞煲配出前一丁($69)

極濃湯底，雖然鹹左少少但都好飲。

雞係有醃過同埋煎過，有誠意而不失味道，肉質又嫩口，讚！

生蠔配濃龍蝦湯底($72)，反而味道偏淡，可能受芝士湯底影響，對比下比較遜色。

三文魚頭($28)，醬汁累事，亦都冇諗過係炸過，所以食唔到魚頭既滑溜，味道稍遜。

海山雞翼($25)，其實只係炸雞翼，我覺得無乜特別，係炸得幾香。

後加既打邊爐材料，有雪山肥牛，蟹柳，薑汁皮蛋貢丸及醃過既秘製牛根，貢丸及牛根特別好味及夠味，有驚喜。

貢丸會爆汁，肉丸又彈口，好味的。

拼食三郎
地址：新蒲崗崇齡街33號新蒲崗廣場1樓B07鋪
電話：2104 6678
評分：8/10

鰻魚可樂：跌打酒味的汽水

真係一個大膽既嘗試，心諗：點會真係有鰻魚味呀！就咁睇以為係食鰻魚要舔的醬酒呢，一飲之下極重跌打酒味，完全感覺唔到有關鰻魚既味道，只係一支好甜有氣既無味汽水囉，今次都係中伏囉！

地址：SOGO超市
售價：$22
評分：4/10

Kit-Kat 甜筒：呃錢之作

有新野自然會去試下，不過呢個甜筒一推出就有好多負評，多跟風既我膽粗粗試下，結果真係中伏，入面有一小條名副其實既Kit-Kat朱古力條，外面只係普通到爆既雀巢朱古力甜筒，居然賣$16.5，呃錢！

地址：各大OK便利店
售價：$16.5
評分：3/10