我相信我對於蒸氣海鮮食上癮，原因老套D講句真係覺得食得健康，又食到原味，真係可以唔駛任何調味料而又好食既食法，再加上我幾鍾意一大班人去食，嘻嘻哈哈食得開心D既，今次輪到朋友們的生日日子，加上佢地又未食過蒸氣海鮮，真係要推介一下呢個食法俾佢地。呢次係我第三次食，揀左呢間新假期俾左最高評價既食店，食法真係大同小異，只要食材新鮮，點煮都真係唔會點難食，呢間野做得到，食材係真係幾新鮮，海鮮好食，極力推介係豉汁蒸白鱔，魚肉連魚皮好滑好軟，以及安格斯肥牛，肥瘦部份剛剛好，食落口的油度感十足，肉質亦都好軟好有口感，呢兩味餸係最屈機既食物，因為一定好食，反而小籠飽聽講失望左少少，皮厚肉汁欠奉，而今次亦都可惜食唔到馬拉糕，味道方面亦都偏淡，如果俾我揀，我會揀之前紅磡皇朝會好食一點，多點選擇，不過有機會都想再食既。食咁多野每人平均都係$250左右，真心覺得唔算好貴。
 |
| 就咁睇牛肉既脂肪分佈，心諗一定好食一定夠林。 |
 |
| 呢次反而係用上菇類墊底先，再加仙貝係上面，然後再食其他海鮮，唔同店有唔同既蒸法次序。 |
 |
| 飲酒用公雞碗已知道此店非同凡響，係值得推介既誠意食店。 |
 |
| 店內長期坐無虛席，有口碑，懶理地方有幾淺窄，熱鬧非常。 |
粵式生香蒸氣海鮮火鍋
地址：尖沙咀厚福街8號H8 8樓
電話：2721 7288
評分：7.5/10
