本身冇諗住食呢個漢堡飽店，諗住食隔幾條街既大熱狗，點知行行下我女友俾個餐牌吸引左，見到佢好鍾意食既炸蟹x鮮蝦做材料既漢堡飽，佢就即刻興奮莫名咁叫我食呢間先，心諗好啦！還掂我都好耐冇食過Burger，加上裝修又幾西化，即管試下龍與鳳，食過之後覺得唔錯喎又，但重點推介既唔係漢堡飽，而係種種唔同整法既海鮮，首選既係蒜蓉龍蝦，雖然得半隻，但會係啖啖肉，落重料蒜蓉去醃製，香味夠味道濃而不失龍蝦味，又可以食埋隻蚶，和味！炸魷魚鬚都好味，粉少而魷魚鬚部份多肉，過足口癮；炸蟹鮮蝦漢堡飽由於我女友食得唔小心而整跌左隻蝦，所以試唔到隻蝦，但賣相唔錯，多汁，炸蟹亦都幾多肉，誠意之作，至於個牛扒漢堡即刻比下去，不過都好食，係冇咁多肉汁姐；呢間漢堡飽店絕對值得推介，雖然地方唔就腳，但係呢間野絕對拍得住其他出名既漢堡飽店，可以再食！
 |
| 漢堡飽size唔算大唔算高，一人份量足夠有餘。 |
 |
| 牛魔王漢堡($56)，肉汁唔算好多，但牛扒肉質口感不俗，唔孩，醬汁同新鮮蕃茄搭夠。 |
 |
| Crab & Shrimp Burger($78)，店肉推介首選，其實都係，賣相好，材料睇落夠厚，炸蟹有肉，幾香，可惜蝦試唔到，醬汁多到瀉，整體有誠意，加分之作。 |
 |
| 隻蟹堅料冇楂流灘，有誠意。 |
 |
| 烤焗波士頓龍蝦(半隻)($68)，我既首選推介，原因好簡單，因為有好香夠味既重料蒜蓉，但食落去又冇蓋過龍蝦肉既味道，從而得到啖啖肉既龍蝦，心滿意足，勁Like！ |
 |
| 真係有好大舊肉架，其他有D鋪可能焗到得好少肉，又梅既，呢個口感過足癮。 |
 |
| 炸魷魚鬚($32)，少粉而魷魚鬚大大舊，足料冇呃人，俾著其他店落重粉去炸，呢度算有良心喇！ |
 |
| 法國鮮蠔湯($33)，好勁既蠔味，飲左啖冇飲咯，喜歡蠔一定愛。 |
 |
| 雲呢拿鮮奶咖啡($32)、蜜桃梳打($22)，幾香既咖啡，正常囉。 |
Seafood Stand
地址：紅磡必嘉街聯盛大廈鴻運閣地下13號鋪
電話：2968 0606
評分：8/10
沒有留言:
張貼留言