炑八韓烤：醬油蟹好鹹 燒肉醃料味重

我女友之前黎過食一次，佢話好食，尤其係醬油蟹，加上韓燒，價錢平又抵食，同埋係團購，所以推介俾我，我諗我又未食過醬油蟹，咪試下囉。不過得知呢間野係富臨旗下，就打左一個突：好食有限。結果，不過不失啦，醬油蟹好鹹，第一次食覺得蟹肉好淋好San，蟹膏好腥，我相信正宗醬油蟹係可以到肉質同埋唔會咁鹹；燒肉普通啦，同一般燒肉無異，今次特別既係有牛小排、牛舌同埋五花腩，但醃料味好重，掩蓋晒肉本身既味道，燒完後肉質偏硬，比較難入口，其他海鮮如魷魚、大蝦都冇醃過，味道較乾，整體一般。海鮮豆腐湯一貫偏辣口，多料，食得多肉飲幾啖算係可以清一下口乾，不錯選擇。

未燒前外圍放了泡菜蛋及粟米芝士，粟米芝士溶了後好正，齋食呢個都會飽，更係無限量供應。

前菜，韓國前菜我認真一般，不吃泡菜，辣芽菜算係比較易入口，沙律還可以，其他一般。

烤肉拼盤二人前($520)，我就覺得唔太值錢520，可能有D位偏D，所以貴D,，不過燒完呢碟野真係好飽。

爐偏細，可以慢慢燒，食住芝士或蛋先都得。

其實都幾快熟又快燶，盡量唔好咁快放晒落去，肉汁好快會冇晒。

海鮮豆腐湯($98)，好多豆腐，偏辣口，食完燒肉飲啖湯可以冇咁口乾，幾好。

醬油蟹($198)一隻，真係好鹹，肉質好淋，蟹膏好腥，我相信正宗醬油蟹會好好食。

P.S.：今次係團購黎既，用$87買張$100現金券，買左4張，結果埋單八百幾蚊，半價食左呢餐，算係咁啦。

炑八韓烤 MeokBang Korean BBQ & BAR

地址：灣仔堅拿道西10號冠景樓1樓

電話：2499 7577

評分：6/10