荳子 Beans：普通的Cafe式西餐甜品混合型餐廳

我女友冇野叻，最叻搵野食，呢間又係佢搵，原因係因為賣相靚，有得影相，同埋最正係正餐同甜品都有得食，一次過滿足晒影相慾望，但對我黎講始終食物吸唔吸引到我對眼球有冇特色為主，先講得出好唔好味，賣相真係唔太緊要，呢次食完後大家心知：真係好普通呀！結論就係咁。點解？先講正餐，沙律小食同埋個麵，唔係唔好食，而係冇特色，好周圍都食到既味，未見有過人之處，真唔明點解呢間野有咁多好評，其實野食好重油，反而失去食物原本應有既味道，變成偏淡既感覺，我同我女友都覺得呢餐未夠好味，所以失去食甜品既動力，況且見到隔離枱既甜品賣相，令到我地卻步既其中一個原因，有時睇相未為真的。

三文魚沙律($88)，近來我女友喜歡吃沙律，係好事黎，但呢次貴得黎唔太好食，係因為冇凱撒沙律要有既重味芝士粉，成個沙律係好清好淡味。

焦糖雞翼($45)，呢味都一般，冇錯，佢做到焦糖味，但融入唔到雞翼之中，好表面的焦糖然後食到冇味的雞肉，單骨只是賣點，味道就普通了點。

All Day Breakfast($98)，係唔合格，唯一較好係個炒蛋，幾滑，腸仔太淋，我地最忌腸仔冇口感，好辛苦，菇冇味，煙肉普通，冬甩冇涵普通，蕃茄Juicy但冇燶邊，所以我俾唔合格。

巴拿馬火腿菠菜闊條麵($98)，亦都唔合格，太油，闊條麵只有橄欖油味，菇好清，火腿又唔太夾個闊條麵，成件事唔知點咁，有後悔叫左呢味。

小倉紅豆抹茶沙冰(左$37)，凍伯爵茶泡沫鮮奶(右$30)，野飲反而比較討好，可能呢間野搞野飲同甜品為主，沙冰夠味，伯爵茶個杯亦都好重茶味，食完野飲杯消下濟都幾好，賣相都唔錯。

店內環境其實都算迫，不過佢分開左兩間鋪，但其實一樣的，一邊較暗玩情調，另一邊較光玩Modern，總之表面係幾好，但食物就要改善一下了。

荳子 Beans

地址：荃灣海壩街99號地下

電話：5537 7465 / 2205 1911

評分：5.5/10