添財記粥腸粉茶餐廳：炸兩脆口 咸白粥夠味 清清地好選擇

九龍城係多美食，但有時食得多都想清清地，唔使食咁多肉類咁濟，於是今次試試下Lunch食個粥食個炸兩清腸胃。冇理由去粥麵店食麵架，所以揀左平時幾鍾意食既牛肉豬紅粥試過究竟，仲要好耐未食過既咸白粥，結果感覺唔錯，好耐冇食過呢D街坊味道，有Heart，小店價錢，店員親民，小店的確係好值得人留低，食物味道好唔好係其次，人情味好難搵架，呢間店值得一黎。

普通炸兩($15)，油炸鬼脆的，配上唔係食慣既豉油，唔錯。

蝦米腸卷炸兩($25)，呢味特別之處係多左蝦米及葱，當堂升左呢，因為香口左，正如煎腸粉一定驘蒸腸粉，哈哈。

牛肉豬紅粥($23)，咸白粥底，好入味，相信落左唔少味精，不過好耐冇食過咸白粥，久唔久食下有乜所謂，牛肉落左米粉再撈，有醃過有誠意。

添財記粥腸粉茶餐廳
地址：九龍城龍崗道35號地鋪
電話：2383 9664
評分：7.5/10