華記士多：隱世咖喱蛋包飯果然名不虛傳

報紙雜誌有一次提及過西灣河有間隱世咖喱蛋包飯好好食，咁岩經過又難得機會，於是走去試試，結果真係驚為天人，極之有心既作品，每一啖飯都有咖喱汁送飯，絕對冇半點呃人，好明顯係做街坊生意，但好有人情味的食物，極具推介價值。

舊式士多餐廳格局，簡單不花巧，極懷舊風味。咖喱雞肉蛋包飯($32)

咖喱汁多到滿瀉，成碟飯好強勁咖喱味，不太辣但易入口，每啖飯都有咖喱汁，絕對抵食。

只此一味，內藏煎過既雞肉，超足料，有用豉油醃過，極有誠意用心之作。

士多極細，裝修極舊，但咁先有風味，咁既格局已經買少見少了。

後巷都係士多的一部份，雖然熱但食到碟好味既飯，完全唔會係問題。

華記士多
地址：西灣河太富街15號地下
評分：9/10