泰成菜館：唔覺有泰國風味 菜式一般

睇Openrice多就多好評，但食落真係認真一般，款式就同其他泰國餐廳差唔多，但就欠缺了泰國風味，食物又唔夠辣，唔算話特別好食，如果比拼九龍城個D泰國餐館，真係輸足九條街都唔夠，或者係我食唔出有Heart，好流水式的煮法，沒有驚喜之下而味道一般，所以我對佢既評價一般了。

青咖喱海鮮炒飯($78)，辣就夠辣但海鮮部份就好流，冇味，同炒飯好似分開左，成件事好唔夾。

泰式粉絲湯($22)，湯亦都係冇味，似水，除左有少量粉絲，仲有好討厭既唐蒿，好臭，扣分。

鹹魚炒椰苗($55)，亦都係分開左，鹹魚係鹹，但融入唔到好清既椰苗。

辣椒膏炒蜆($88)，完全唔辣，汁係唔錯，係好適合撈飯食，但蜆大得黎少，唔夠喉。

蜆真係幾大隻，但冇辣味，要撈埋D汁一齊食先有Feel。

最失敗係呢味糯米雞翼($68)，外皮超厚粉，食粉為主之下，入面既糯米好少，又唔覺關雞翼事，成件事好差，好似係雪櫃拎出黎既急凍產品。

 店內環境好窄，我同女友被安排坐門口位，由於當晚超熱，道門不時打開，所以大量熱風吹向我背脊，我係勁熱，出晒汗，所以我真正感受到係泰國食野時既境況，熱爆。

泰成菜館 (Thai Shing Restaurant)
地址：銅鑼灣登龍街36號登輝大廈地下
電話：2834 2500
評分：5/10