素食．分子：極似肉味的素食 可惜份量少

因為工作關係而試左呢間素食餐廳，本身我對素食都有興趣，因為好厲害，食物的味道及香味可以跟肉類的有接近九成似，又可以整到好好食，點解可以咁神奇？係素食的一大賣點同吸引之處，呢間餐廳都做到，只係份量好少，唔夠喉。食素食真係可以好健康，我相信呢個會係將來既趨勢，至少都會慢慢食多點素食吧。

焗素豬扒飯($55)，香味極似，口感都似大家樂的豬扒飯，不過質感始終食到有分別，不過味都都唔錯，份量幾少下，不過對我黎講都夠了。

我相信素豬扒係用腐皮去做，食落去好重腐皮口感，呢點同真豬扒真係有距離架。

火龍果豆漿($22)，第一次試，好飲，但感覺杯野好食素，太細杯了。

素食．分子 InnoVeggie

地址：北角堡壘街2-4號地下

電話：2856 6238

評分：7/10